Հետևեք մեզ
Միջազգային չպատենտավորված անվանում իզոկոնազոլի նիտրատ
Քիմիական անվանում 1-a[(2,4-դիքլոր-b-դիքլորբենզիլօքսին)-ֆենէթիլ]-իմիդազոլի նիտրատ
Դեղաձև հեշտոցային մոմիկներ 600մգ
Բնութագիր Սպիտակ կամ դեղնասպիտակավուն գույնի հեշտոցային մոմիկներ
Բաղադրություն 1 մոմիկը պարունակում է ակտիվ նյութ իզոկոնազոլի նիտրատ 600 մգ, օժանդակ նյութ՝ Նովատա:
Դեղաբանական խումբ Հակասնկային միջոց
Դեղաբանական ազդեցություն Իզոկոնազոլը հանդիսանում է իմիդազոլի ածանցյալ և ցուցաբերում է տեղային հակասնկային և հակաբակտերիալ ազդեցություն։ Ազդեցությունը ֆունգոստատիկ է։ Ակտիվ է դերմատոֆիտների, բորբոսասնկերի, խմորասնկերի, ինչպես նաև գրամդրական բակտերիաների (ստաֆիլակոկեր, միկրոկոկեր, ստրեպտոկոկեր) նկատմամբ։ Արգելակում է էրգոստերոլի սինթեզը և խախտում է մանրէի բջջաթաղանթի բաղադրությունն ու ամբողջականությունը։
Ցուցումներ Հեշտոցի սնկային ինֆեկցիաներ, այդ թվում նաև գրամդրական բակտերիաների կողմից հարուցված համակցված ինֆեկցիաներ։
Հակացուցումներ Գերզգայունություն ակտիվ նյութի կամ օժանդակ նյութերից որևէ մեկի նկատմամբ։
Դեղաչափում և կիրառում Ցանկալի է մոմիկը կիրառել երեկոյան՝ քնելուց առաջ պառկած վիճակում։ Ցուցված դեղաչափը` 1 մոմիկ, անհրաժեշտության դեպքում կարելի օգտագործել ևս մեկ մոմիկ 5 - 10 օր հետո։ Խորհուրդ չի տրվում բուժումը կատարել դաշտանային ցիկլի ընթացքում:
Կողմնակի ազդեցություն Կիրառման ժամանակ կարող են նկատվել տեղային ռեակցիաներ` գրգռվածություն, քոր և այտուց։ Հազվադեպ հնարավոր է ալերգիկ ռեակցիա պրեպարատի կիրառման տեղում։
Փոխազդեցություն այլ դեղերի հետ
Հայտնաբերված չեն։ Խորհուրդ է տրվում տեղեկացնել բժշկին զուգահեռ կատարվող այլ բուժումների մասին։ Գերդեղաչափում 1 անգամ բարձր դեղաչափով օգտագործելու կամ պատահական ներքին ընդունելու դեպքում բացակայում է սուր ինտոքսիակցիայի վտանգը։
Նախազգուշացումներ Արդյունավետ բուժման և վարակի կրկնումից խուսափելու համար խորհուրդ է տրվում խիստ հետևել անձնական հիգիենային (ամեն օր փոխել ներքնաշորերը, լվանալ ախտահանիչներով)։ Խորհուրդ է տրվում կատարել զուգընկերոջ միաժամանակյա բուժում։
Հղիություն և կրծքով կերակրում Հնարավոր է դեղամիջոցի կիրառումը հղիության և կրծքով կերակրման ժամանակ։ Իզոկոնազոլ պարունակող դեղամիջոցների կիրառման ընթացքում չի հայտնաբերվել տերատոգեն ազդեցություն պտղի վրա։ Կարճաժամկետ բուժումը և դեղամիջոցի քիչ ներծծումը (5%-ից պակաս) թույլ են տալիս օգտագործել այն կրծքով կերակրման ժամանակ։
Թողարկման ձևՏուփում 1 հեշտոցային մոմիկ
Պիտանիության ժամկետ 3 տարի
Պահպանման պայմաններ Պահել +30˚C-ից ոչ բարձր ջերմաստիճանում, երեխաների համար անհասանելի վայրում։
Բացթողման կարգ Բժշկի ցուցումով